| 10/09/2008
車疏人多，塞車得人驚!
馬拉松會議，1030至1810...
扣肉，唔~~~~~
傻B真係唔願跟老豆，無論佢點同我玩都無得傾!!問佢跟唔跟返屋企(目訓)，佢一個轉身走去婆婆度再回頭同我講拜拜!! T_T
地跌真係好o野，「太多站太多組合試唔晒」!!係唔係有少少不負責任呢?電腦program你咪用電腦方法check囉，我真係唔信check唔到呀!! |
| |
| 09/09/2008
50個大洋賣o左部電視，其實有d唔舒服，真係送o左畀老人中心好過，可惜無位無時間...
新玩具，都唔係太難搞o者。
終於有無雪花o既X-File睇，感激中!!
唔係好明點解部錄影清o左咁多，條天線點都係入o左佢度先去機項盒o架!!另外連之前錄落o既帶都清好多!!奇怪!!! |
| |
| 08/09/2008
投票有結果，估唔到豉油擋地區直選一席都無，反而鼠王紛入局!!郁文入議會，睇下有無好戲睇啦!
睇住個票站調查，出入好大喎!!
做到頭痛得個桔!!
見到美金月餅廣告，不期然諗︰「幾時會出冰皮月餅味o既冰皮月餅呢?」 |
| |
| 07/09/2008
收貨，今次個包裝對辦，唔似開過喇!!
一早起身就聽到d告急呼籲，到中午時份已經聽到幾個主要候選人o既告急呼籲。個感覺就似四個人打麻雀，埋單找數個個輸錢，係真唔係呀!!!
講開投票，其實我唔係好明d人點解會畀人嚇到話指定要投邊個唔係會有乜後果，照計由你入去拎選票到走果刻無人埋到你身o架，你話要影低投o左邊個就話o者，唔係人地點會知。你話唔去投票就會點點點都仲有d機，但如上面所講，你投邊個，鬼知咩。
再o黎一個就係，好有印象好多年前正苦個呼籲口號係「投票選賢能」，唔知由幾時開始邊o左做o依家o既「投票選代表」。唔通正苦中人暗地裡認定o左呢班議員唔係...
食完lunch傻B買燈籠，佢睇完一大輪之後傻妹鎖定兩個問佢要邊個，佢摸完之後拎o左傻妹手果張一百蚊，跟係望住我地係度笑!!暈低!!
發現台個女主持謝怡芬(Janet Hsieh)真係幾吸引人...
洗廁所唔使鏟水，感覺良好!!
傻妹話佢媽咪問傻B爸爸點鬧佢，傻B就跟住係度手指指。模仿力使唔使咁強呀!!到佢番上o黎時傻妹再問佢同一條問題，佢係度望住我笑。小朋友，你好識做人喎!!
今日發現有記播緊個鐵人料理係配上配音o既–日文出口去外國配英文再係香港配廣東話，唔怪得d配音相對地爛啦!!另外，呢齣o野原來係1998年產品，唔怪得個主席o既髮型咁「突出」啦!!
唔知係我多心定乜，聽到凸手果句「同個別議員加強溝通」覺得好礙耳。 |
| |
| 06/09/2008
滿心歡喜等新玩具到，點知送到o黎發覺唔係好對路–乜個盒開過o既!!問個師父，佢話唔多清楚，叫我問公司。Call落舖頭，佢話唔係喎，一定係新機，會唔會係係倉度拆開過o黎check機呀?!佢咁講，唔係好信但都無辦法。由於傻妹媽咪幫趁過呢間o野買電視，問佢上次部機有無類似情況，佢話無，咁即係間舖有古怪啦。
呢個時候見到個箱貼o左張單寫住部電視係舖頭出，但條HDMI線同機頂盒就倉出；即時打電話去舖頭度嘈啦，點知打極都唔通，換衫落去同佢嘈。咁o岩傻妹媽咪打電話o黎問情況，一齊操去舖頭!!
去到部display「咁o岩」唔係度，個sales仲死口唔認，拎d相出o黎畀佢睇，佢都仲想死撐。講講下有人話等個師父上o黎裝機時就知係唔係新機，講多兩講有人提議話可以退錢。諗多陣，一於退錢。呢個時候，之前幫傻妹媽咪跟開o野個sales幫我搞cancel單，整多兩整，佢走o黎問其實會唔會考慮換過部機，最多計平d。同傻妹媽咪傾o左陣，換過部無咁煩，信佢啦。開單時，個sales話轉頭搵同事上去我度收機，費事經倉，因為另外個sales跟錯o野佢都有好麻煩；佢講到咁，心照乜o野事啦!!
電視聽日到，星期二裝機，希望今次無事啦!!好彩call唔到老人中心收我部機咋，睇o黎今次都係搵收買佬囉!!
傻B今日心情勁靚。
臨(目訓)三個傻人係度玩估領袖!!
最後兩條魚毛死埋，我係殺魚凶手!!前後12條魚呀陰公!!
琴表演一段好靚。小朋友活動書呢個玩法幾得意!
點火一段，睇見個人係咁拉自己上去巢頂，睇見佢就辛苦，感覺強過李寧。 |
| |
Scouting
Cooking
Reading
Stamp Collecting
Mathematics
Learn new stuff